Movie: Neel Kamal
Singer: Mohammed Rafi
Music Director: Ravi
Lyricist: Sahir Ludhianvi
baabul ki duayen leti ja
ja tujhko sukhi sansaar mile
maike ki kabhi na yaad aaye
sasural me itna pyaar mile
baabul ki duayen leti ja
naazon se tujhe paala maine
kaliyon ki tarah phoolon ki tarah
bachpan me jhulaaya hai tujhko
baanhon ne meri jhoolon ki tarah
mere bagh ki ae naazuk daali
tujhe har pal nai bahaar mile
maike ki kabhi na yaad aaye
sasural me itna pyaar mile
baabul ki duayen leti ja
jis ghar se bandhe hain bhaag tere
us ghar me sadaa tera raaj rahe
hothon pe hansi ki dhoop khile
maathe pe khushi ka taaj rahe
kabhi jis ki jot na ho feeki
tujhe aisa roop singaar mile
maike ki kabhi na yaad aaye
sasural me itna pyaar mile
baabul ki duayen leti ja
beeten tere jeevan ki ghadiyaan
aaraam ki thandi chhanv me
kaanta bhi na chubhane paaye kabhi
meri laadli tere paaon me
us dwaar se bhi dukh door rahe
jis dwaar se tera dwaar mile
maike ki kabhi na yaad aaye
sasural me itna pyaar mile
baabul ki duayen leti ja